Aktualitet

Hapja e tunelit 5 te “Shqiponja”, ARRSH sqaron shoferët: Ja si do kryhet lëvizja definitive e mjeteve

Shkruar nga Liberale
Hapja e tunelit 5 te “Shqiponja”, ARRSH sqaron shoferët: Ja si

Autoriteti Rrugor Shqiptar sqaron drejtuesit e mjeteve lidhur me lëvizjen me hapjen e tunelit numër 5 te ish-Sheshi Shqiponja.

Kështu, sipas ARRSH, “Në kantierin e punimeve te Sheshi Shqiponja ka përfunduar ndërtimi i të gjitha galerive (tuneleve) dhe do të hapet për qarkullimin e automjeteve edhe Galeria Nr. 5.

Duke filluar në orën 00:01, data 04.09.2021 trafiku do të vijojë sipas lëvizjes definitive të parashikuar në projekt ku:

– Lëvizja e automjeteve nga autostrada (Durrës-Tiranë) në drejtim të rrugës “Dritan Hoxha” (Laprakë) dhe anasjelltas do të realizohet drejt në nivelin 0 të parashikuar në projekt.

– Lëvizja e automjeteve që vijnë nga autostrada (Durrës-Tiranë) në drejtim të Unazës së Madhe do të realizohet nëpërmjet Galerisë Nr. 5.

– Dalja nga Tirana për mjetet që vijnë nga Unaza e Madhe drejt autostradës do të realizohet nëpërmjet Galerisë Nr.3

– Dalja nga Tirana për mjetet që vijnë nga pjesa veriore (ish-kombinati, rruga “Josif Pashko”) drejt autostradës do të realizohet nëpërmjet Galerisë Nr. 4.

#ARRSH #MIE”.

Liberale Newsroom

Poll
SHQIPENGLISH