Një ngjarje e rëndë ka tronditur Greqinë, një ditë më parë, pas vrasjes tragjike të 20-vjeçares Caroline nga bashkëshorti i saj pilot. Mediat fqinje raportojnë se ditën e djeshme, një 26-vjeçare është gjetur e pajetë në det me shenja dhune.
E reja Garyfallie, sipas dëshmitarëve është vrarë nga i dashuri i saj. Policia ka prangosur autorin e ngjarjes, i cili ka pranuar se ka pasur debate me të dashurën prej ditësh, duke thënë se debati i fundit ka përfunduar në tragjedi.
Ai ka deklaruar se debati mes dy të rinjve ka nisur në makinë dhe në nerva i sipër, 30-vjeçari ka nxjerrë mjetin nga rruga dhe kur e dashura e tij nga dalë prej aty, ai e ka shtyrë, duke e hedhur nga shkëmbi.
30-vjeçari ka pohuar se është hedhur edhe vetë për ta ndihmuar, por kur e ka parë pa ndjenja, është larguar nga vendi i ngjarjes i frikësuar. Mediat greke bëjnë me dije se 30-vjeçari ishte në gjendje shoku dhe se donte të bënte vetëvrasje. Ndërkohë, pritet të kryhet një autopsi në trupin e Garyfallia, në mënyrë që të përcaktohet shkaku i vdekjes.
