Presidenti i Ukrainës, Volodymyr Zelensky, ka sfiduar Presidentin rus, Vladimir Putin, që të takohet me të, pas një kërkese të drejtpërdrejtë nga ish-presidenti amerikan Donald Trump, i cili ka bërë thirrje për bisedime mes dy liderëve.
Zelensky u shpreh se është i gatshëm për një takim, por theksoi se çdo dialog duhet të respektojë sovranitetin dhe integritetin territorial të Ukrainës.
Nga ana tjetër, Kremlini nuk ka reaguar zyrtarisht ndaj kësaj ftese për takim, por më herët presidenti Putin ka deklaruar se Rusia është e gatshme për negociata, megjithatë ai nuk e ka pranuar ndonjëherë publikisht një takim të drejtpërdrejtë me Zelenskyn që nga fillimi i luftës.
Kjo përballje e re diplomatike vjen në një moment kyç për të ardhmen e konfliktit, ndërsa përpjekjet ndërkombëtare për armëpushim dhe bisedime paqeje janë intensifikuar.
