Presidenti amerikan, Donald Trump mbetet i vendosur në mosmarrëveshjet tarifore me Kinën duke deklaruar se tani topi është në fushën e Kinës dhe se Kina duhet të bëjë një marrëveshje me SHBA-në, tha zëdhënësja e tij, Karoline Leavitt.
“Kina duhet të bëjë një marrëveshje me ne. Ne nuk duhet të bëjmë një marrëveshje me ta”, tha Leavitt.
“Nuk ka asnjë ndryshim midis Kinës dhe ndonjë vendi tjetër, përveç se ato janë shumë më të shumta në numër dhe Kina dëshiron atë që ne kemi, atë që çdo vend dëshiron, atë që kemi ne, konsumatori amerikan, ose për ta thënë ndryshe, ata kanë nevojë për paratë tona”, theksoi ajo.
Leavitt e bëri deklaratën gjatë një konference për shtyp në Shtëpinë e Bardhë pasi kishte diskutuar me presidentin Trump.
Trump më herët ishte shprehur i hapur për bisedime, por ishte në pritje të një telefonate nga Kina. Presidenti amerikan ka vendosur tarifa speciale deri në 145% për mallrat kineze. Si përgjigje, Pekini rriti tarifat e tij për importet amerikane në 125%.
