Policia në Iran ka arrestuar 24 persona, të cilët akuzohen për spiunazh në favor të Izraelit. Sipas autoriteteve iraniane, këta persona kanë vepruar në internet dhe jashtë tij, duke u përpjekur të dëmtojnë imazhin e vendit dhe të përhapin lajme që krijojnë panik tek qytetarët.
Komandanti i policisë në Teheranin Perëndimor, Kiumars Azizi, tha se të arrestuarit po spiunonin për "armikun sionist", duke iu referuar Izraelit, dhe se kishin synim të "shkatërronin imazhin e Republikës Islamike të Iranit".
Ndërkohë, Forcat Ajrore izraelite kanë kryer një seri sulmesh në Iranin perëndimor. Sipas mediave, sulmet kishin në shënjestër baza ushtarake dhe vendndodhje të raketave iraniane. Një burim izraelit tha për Channel 12 se “dy të tretat e lançuesve të raketave iraniane janë dëmtuar” nga këto sulme.
