Donald Trump tha se asgjë nuk do të ndryshojë në bisedimet për armëpushimin mes Rusisë dhe Ukrainës deri sa ai dhe presidenti rus, Vladimir Putin, të takohen. Gjatë një deklarate për gazetarët në bordin e Air Force One, në rrugën për në Emiratet e Bashkuara Arabe, Trump theksoi se ai ishte i domosdoshëm për të bërë që negociatat të ndodhin.
Trump shtoi se nuk besonte se do të ndodhte ndonjë gjë, pavarësisht nëse dikujt i pëlqente apo jo, derisa të zhvillohej një takim me Putinin, duke shtuar se problemi duhet zgjidhur, pasi shumë njerëz po vdesin.
Ndërkohë, Presidenti ukrainas Volodymyr Zelensky mbërriti në Turqi për bisedime, por presidenti Putin refuzoi të merrte pjesë dhe dërgoi një delegacion të nivelit të ulët, duke shkaktuar zemërim në Kiev dhe dyshime për mundësinë e një marrëveshjeje.
