Shtetet e Bashkuara kanë shkarkuar komandanten e bazës së tyre ushtarake në Groenlandë për shkak të përpjekjeve të dyshuara për të “minuar agjendën e presidentit amerikan, Donald Trump”, pas mikpritjes që i bëri zëvendëspresidentit amerikan në ishullin Arktik.
Kolonelja Susannah Meyers u shkarkua nga pozita e komandantes së Bazës Hapësinore Pituffik, pas raportimeve se kishte dërguar një email kritik ndaj vizitës së zëvendëspresidentit, JD Vance në ishull muajin e kaluar.
“Veprimet për të minuar zinxhirin komandues ose për të sabotuar agjendën e Trumpit nuk do të tolerohen në Departamentin e Mbrojtjes”, shkroi zëdhënësi kryesor i Pentagonit, Sean Parnell, në platformën X.
