Mali i Zi është goditur sërish sot rreth orës 12:40 nga një tërmet me fuqi shkatërruese i mangnitudës 4.7 i shkallës rihter. Tronditjet janë ndjerë edhe në Bosnjë dhe Hercegovinë. Epiqendra e tërmetit ishte 31 kilometra nga Nikshiqi, në një thellësi prej tri kilometrash, transmeton Telegrafi.
“Është dridhur shumë, ka zgjatur dhjetëra sekonda. Ishte më i fuqishëm sesa tërmeti i të hënë”, ishin disa nga komentet në ueb-faqen e EMSC-së.
Deri më tani nuk raportohet për dëme materiale apo të lënduar. Ndërkaq një ditë më parë u regjistrua një tërmet tjetër në po të njëjtin rajon, por që kishte fuqi më të vogël shkatërruese, pra prej 4.4 magnitudë.
