Takimi i thirrur nga kryetari i Lëvizjes Vetëvendosje, Albin Kurti, me liderët e partive parlamentare ka përfunduar pa ndonjë rezultat konkret. Qëllimi i takimit ishte zhbllokimi i situatës politike dhe diskutimi për konstituimin e Kuvendit të ri pas zgjedhjeve të parakohshme të 9 shkurtit.
Pas dy orësh diskutime, lideri i LDK-së, Lumir Abdixhiku, u shpreh i zhgënjyer, duke thënë se takimi ishte një “farsë publike” dhe se Kurti nuk kishte sjellë asnjë qëndrim të ri në tryezë.
“Këto ishin të njëjtat qëndrime si para takimit,” tha Abdixhiku, duke kritikuar mungesën e vullnetit për kompromis nga ana e Kurtit.
