Zëdhënësi i Ministrisë së Jashtme të Izraelit, Oren Marmorstein, ka kritikuar ashpër qeverinë britanike pas tërheqjes së saj nga bisedimet për një marrëveshje tregtare me Izraelin.
Sipas tij, negociatat nuk po përparonin sepse “qeveria britanike nuk po e shtynte përpara procesin”. Ai shtoi se një marrëveshje tregtare do të ishte në interesin e përbashkët të të dy vendeve.
“Por nëse, për shkak të obsesionit anti-Izrael dhe presioneve të brendshme politike, Britania zgjedh të dëmtojë ekonominë e saj, kjo është zgjedhja e saj,” tha Marmorstein për Sky News.
Ai kritikoi gjithashtu vendimin e Britanisë për të vendosur sanksione ndaj disa kolonëve izraelitë në Bregun Perëndimor, duke e cilësuar atë si “të keq”.
