Kryeministri i sapozgjedhur i Kanadasë, Mark Carney, festoi fitoren e tij elektorale në një mënyrë të pazakontë, por shumë argëtuese. Politikani u ngjit në skenë së bashku me grupin kanadez rap-rock Down With Webster.
Carney befasoi të pranishmit duke kërcyer e performuar me entuziazëm në krah të anëtarëve të grupit, ndërkohë që mbante veshur një bluzë me logon e tyre.
Videoja e këtij momenti u përhap me shpejtësi në rrjetet sociale, duke shkaktuar një valë reagimesh, kryesisht të habitura, por pozitive, ku shumë ndjekës që shprehën entuziazmin dhe buzëqeshjen e tyre për këtë anë tjetër të një lideri politik.
Por dashuria e Carney për Down With Webster nuk është diçka e re. Ai ka deklaruar disa herë se është një fans i madh i grupit, ndërsa këngët e tyre janë dëgjuar shpesh në tubimet zgjedhore të Partisë Liberale.
Në këtë klimë të ngarkuar, Carney zgjodhi të ndajë fitoren e tij përmes një gjesti të papritur dhe më njerëzor, duke treguar se edhe politika, sado serioze të jetë, ka vend për pak relaks.
Prime Minister Carney, his wife and supporters letting loose after his election win at a live performance from Canadian band, Down With Webster whose music Carney walked out to at each of his campaign rallies @itvnews pic.twitter.com/4FcweIQAVH
— Jonathan Wald (@jonathanwalditn) April 29, 2025
