Një sulm ajror izraelit ka shkatërruar një pjesë të një spitali në qytetin e Gazës.
Pamjet e postuara tregojnë flakë të mëdha dhe tym, që dilte nga spitali pasi u godit nga raketat.Bëhet e ditur se pacientët u larguan me shpejtësi nga vendi, shkruan BBC.
Dëshmitarët thanë se sulmi shkatërroi departamentet e kujdesit intensiv dhe kirurgjisë të spitalit Al-Ahli, objekti kryesor mjekësor në qytetin e Gazës.
Kjo çoi në zhvendosjen e detyruar të pacientëve dhe stafit të spitalit.
Hamasi e quajti sulmin një “krim të tmerrshëm” nga Izraeli, i cili tha se po shqyrtonte raportet.
Sipas shërbimit të urgjencës civile nuk raportohet për viktima.
Sakaq, Al-Ahli – një strukturë e vogël mjekësore para luftës – është tani i vetmi spital që ende funksionon në qytetin e Gazës pas shkatërrimit të kompleksit mjekësor Al-Shifa dhe spitaleve në pjesën veriore të Rripit.
