Presidenti i sapozgjedhur Donald Trump pritet të emërojë Richard Grenell, ish-shefin e tij të inteligjencës, si të dërguarin special për konfliktin Rusi-Ukrainë, sipas katër burimeve të njohura nga Reuters me planet e tranzicionit.
Grenell, i cili shërbeu si ambasador i Trump në Gjermani dhe ishte ushtrues detyre i drejtorit të inteligjencës kombëtare gjatë mandatit të Trump 2017-2021, do të luante një rol kyç në përpjekjet e presidentit të sapo zgjedhue për të ndalur luftën nëse ai zgjidhet përfundimisht për këtë post.
Presidenti i sapozgjedhur Donald Trump tha të premten se do të emërojë investitorin e shquar Scott Bessent si sekretar të Thesarit të SHBA-së.
Ndërsa aktualisht nuk ka asnjë të dërguar të posaçëm të dedikuar vetëm për zgjidhjen e konfliktit Rusi-Ukrainë, Trump po konsideron krijimin e rolit, sipas katër burimeve, të cilët kërkuan anonimitetin për të diskutuar diskutimet e brendshme.
Trump përfundimisht mund të vendosë të mos dërgojë një të dërguar të posaçëm për konfliktin në Ukrainë, megjithëse ai është duke e konsideruar fuqimisht një gjë të tillë, thanë burimet. Nëse e bën këtë, ai përfundimisht mund të zgjidhte dikë tjetër për rolin nëse nuk merr asnjë garanci që Grenell do ta pranonte.
Trump u zotua gjatë fushatës për t'i dhënë fund konfliktit me shpejtësi, megjithëse nuk ka thënë se si do ta realizonte paqen.
Gjatë një tryeze të rrumbullakët të Bloomberg në korrik, Grenell mbrojti krijimin e "zonave autonome" si një mjet për zgjidhjen e konfliktit, i cili filloi pasi Rusia pushtoi territorin sovran të Ukrainës. Ai sugjeroi gjithashtu se nuk do të ishte në favor të anëtarësimit të Ukrainës në Organizatën e Traktatit të Atlantikut të Veriut në të ardhmen e afërt, një pozicion që ai ndan me shumë aleatë të Trump.
Mbështetësit e Grenell theksojnë se ai ka pasur një karrierë të gjatë diplomatike dhe ka një njohuri të thellë për çështjet evropiane. Përveç shërbimit si ambasador në Gjermani, Grenell ishte gjithashtu një i dërguar special presidencial për negociatat e paqes në Serbi dhe Kosovë.
Karoline Leavitt, një zëdhënëse për përpjekjet e tranzicionit të Trump, nuk pranoi të komentojë, përtej fjalës se vendimet e personelit të presidentit të zgjedhur "do të vazhdojnë të shpallen nga ai kur të merren".
