Ministri i ri i Kulturës Alessandro Giuli i braktisi studimet dhe pret të mbrojë tezën dhe diplomimin për Filozofi (kurse ish-ministri Sangiuliano sapo u diplomua për Drejtësi).
Diploma nga Filozofia deri në Shkencë e lënë pezull në moshë të re, tashmë për ministrin është një hap më afër fundit. Ministri 48-vjeçar është gati t’u shpëtojë akuzave dhe të marrë titullin që meriton.
Alessandro Giuli do të mbajë provimin e fundit të hënën e ardhshme, më 30 shtator, me profesorin Gaetano Lettieri, drejtor i Departamentit të Historisë dhe Antropologjisë së Feve. Provimi është Teoria e Doktrinës Teologjike.
Sapo të kapërcejë pengesën e fundit, në janar Giuli do të mund të diskutojë tezën e tij, gjithmonë me Lettierin. Më pas do të vijë diploma dhe me këtë ndoshta do t'u jepet fund të gjitha polemikave të këtyre ditëve. Gazetarëve që e pyesin për studentin e tij të jashtëzakonshëm, profesor Lettieri u përgjigjet:
“Po është e vërtetë, e konfirmoj praninë e këtij studenti, por është çështje personale dhe nuk mund të shtoj asgjë tjetër”.
Nga Sapienza na bëjnë të ditur se ministri i Kulturës e ka nisur praktikën për provimin e fundit muaj më parë, kur drejtonte Kolegjin Maxxi. Tashmë sytë e ministrit të ri janë të hënën, ditën e provimit të fundit.
Çfarë diplome kanë ministrat e qeverisë Meloni (dhe kush nuk e ka marrë kurrë)
Në përgjithësi, qeveria Meloni mund të mburret me një grup të madh të diplomuarish. Të vetmit pa diploma janë kryeministrja, zëvendësi i saj dhe ministri i Transporteve Salvini, ministri i Mbrojtjes Guido Crosetto sikurse edhe ministri i ri i Kulturës, Alessandro Giuli.
Sipas hulumtimit të kryer nga 'Corriere della Sera', në fakt, ekzekutivi i udhëhequr nga Giorgia Meloni mund të mbështetet në një gamë të gjerë kualifikimesh.
Dy të padiplomuarit e qeverisë Meloni si për ironi janë kryeministrja dhe zv.kryeministri Salvini .
E para, e cila u çertifikua me vonesë nga ITIS Amerigo Vespucci, foli për Corriere për mungesën e përfundimit të studimeve : “Më tallen sepse nuk isha e diplomuar. Nuk munda të diplomohesha. Mendoni se nuk do të kisha marrë një diplomë? E mbështeta veten pa të. Unë studioja, merresha me politikë, bëja shumë gjëra. Ka shumë djem e vajza si unë që tregojnë se janë të aftë në praktikë” .
Ndryshe është rasti i ministrit Salvini, pasi ai u regjistrua në fakultetin e Shkencave Politike në Universitetin e Milanos, por 5 provime para se të diplomohej, la studimet (por qëndroi jashtë kursit për 12 vjet). Ndër të padiplomuarit spikat edhe ministri i Mbrojtjes, Guido Crosetto, i cili ka ndjekur deri në vitin 1991 Fakultetin e Ekonomisë dhe Tregtisë në Torino.
/Liberale.al/
.
