Një e mbijetuar e sulmit të Hamasit në festivalin e muzikës Nova në vitin 2023  është kualifikuar për finalen e madhe të Eurovisionit nesër, mes protestave të ashpra për pjesëmarrjen kontroverse të Izraelit në konkurs.

VIDEO ku shfaqet Yuval Raphael, e cila do të performojë “New Day Will Rise”, pa shfaqjen e saj paraprake të ndërprerë dje nga gjashtë demonstrues pro-palestinezë që mbanin flamuj.

Sipas rregullave të arenës, të gjithë flamujt lejohen, por ka kufizime për madhësinë, kështu që anëtarët e audiencës u nxorën shpejt nga arena St Jakobshalle.

Më vonë, pamjet  nga gjysmëfinalja e transmetuar televiziv tregojnë se përfaqësuesi izraelit  fishkëllyehet përsëri nga disa pjesë të audiencës.

Talljet u bënë edhe më të dëgjueshme në pamjet e performancës në rrjetet sociale - por Raphael ishte prapëseprapë një nga 10 artistët që ia dolën mbanë në votimin publik të djeshëm dhe arritën në finalen e madhe.

Pjesëmarrja e Izraelit në Eurovision ka qenë një burim polemikash që nga pushtimi i Gazës në tetor 2023.

Më shumë se 53,000 njerëz janë vrarë nga bombardimet e Izraelit në territorin e rrethuar, me të gjitha ndihmat e bllokuara që të hyjnë në Gaza që nga marsi. Transmetuesit në Spanjë, Irlandë dhe Slloveni kanë bërë thirrje për një debat mbi përfshirjen e Izraelit, ndërsa protesta janë zhvilluar edhe në Bazel, ku po organizohet Eurovision.

Raphael, 24 vjeçe, ishte një nga të mbijetuarat e sulmit të Hamasit në Festivalin e Nova më 7 tetor 2023 që shkaktoi pushtimin. Ajo u fsheh nën një grumbull trupash të vdekur për orë të tëra derisa u shpëtua.