Një shqiptar 48-vjeçar humbi jetën në një aksident në punë. Ngjarja e rëndë ka ndodhur rreth orës 12 të drekës në Scandicci (Firence).
Sipas asaj që raportojnë mediat italiane, për shkaqe që nuk dihen dhe për të cilat ka nisur një hetim, punëtori me origjinë shqiptare, ra nga një skelë.
Rrëzimi nga një lartësi prej 18 metrash, gjatë punës në një kantier ndërtimi në një bllok apartamentesh i ka kushtuar jetën. Emri i tij nuk bëhet i ditur nga mediat italiane.
