“Ne e kuptojmë kompleksitetin e situatës” midis Serbisë dhe Kosovës “por derisa ky problem të zgjidhet, do të jetë e vështirë të bëhet përparimi i nevojshëm në integrimin e plotë të Ballkanit Perëndimor në familjen evropiane”.
Kështu deklaroi kryeministri grek, Kyriakos Mitsotakis, me të mbërritur në samitin BE-Ballkan në Tiranë. Për të arritur një zgjidhje, shtoi kryeministri, “të dyja palët duhet të bëjnë një hap prapa”. “Ne gjithmonë kemi inkurajuar dialogun ndërmjet Beogradit dhe Prishtinës, i cili duhet të zhvillohet me mirëbesim nga të dyja palët”, përfundoi Mitsotakis. /Liberale.al/
