Aktualitet

A do ta dekoroni Ramën për negociatat me BE? Ja si përgjigjet Meta

Shkruar nga Liberale
A do ta dekoroni Ramën për negociatat me BE? Ja si përgjigjet

Presidenti Ilir Meta ka folur për Kukësi në lidhje me negociatat e Shqipërisë me BE. Meta ka thënë se asgjë nuk përfunduar dhe duhet reflektim.

I pyetur nga gazetarët, nëse do dekorojë Ramën nëse hapen negociatat, Meta ka thënë se është në Kukës për të dekoruar Radio “Kukësin”.

Biseda me gazetarët

Pyetje: Mirë se erdhët për 60-vjetorin e Kukësit, por do t’ju pyesim për negociatat?

Presidenti Meta: Kam ardhur për 60-vjetorin e Radio ‘Kukësit’. Për negociatat nuk mund të flitet sot. Asgjë nuk ka përfunduar. Shpresojmë të ketë reflektim. E kam thënë edhe më përpara: Ato vendet që janë skeptike të ndjekin shembullin e Bundestagut të Gjermanisë.

Pyetje: Do ta dekoroni kryeministrin zoti President, nëse do të çelen negociatat, meqë e keni deklaruar?

Presidenti Meta: Sot jemi këtu për të dekoruar Radio “Kukësin”, me Titullin e lartë “Kalorës i Urdhrit të Flamurit”, sepse e ka merituar plotësisht dhe e ka përmbushur misionin fisnik sidomos në drejtim të mbrojtjes së të drejtave të shqiptarëve në ish-Jugosllavi, duke pasur kontribute për ato arritje që ka sot Kosova dhe shqiptarët në Maqedoninë e Veriut.

Pyetje: Nëse nuk çelen sot negociatat zoti President? Duket se ka dështim?

Presidenti Meta: Po të mos humbasim shpresën... Sot këtu në Kukës...

Pyetje: E ka fajin qeveria apo Franca?

Presidenti Meta: Sot në Kukës kemi një gëzim dhe ta çojmë gëzimin deri në fund!

Liberale Newsroom

Poll
SHQIPENGLISH