Aktualitet

22 të zhdukur në Vlorë? Lleshaj: Legjendë, ka vetëm 4 raste

Shkruar nga Liberale
22 të zhdukur në Vlorë? Lleshaj: Legjendë, ka vetëm 4

Vlora ka qenë ndalesa e radhës për ministrin e Brendshme, Sandër Lleshaj për të analizuar punën e policisë në qytetin bregdetar.  Zhdukja e personave, kryesisht si pasojë e përfshirjes në trafikun e narkotikëve për ministrin Lleshaj nuk përbëjnë një fenomen.

“Unë nuk njoh një fenomen në Vlorë, ka raste në Vlorë dhe vende të tjera. Ka pasur raste për të cilat policia ka hapur procese penale”, tha ministri.

I pyetur se ka vetëm katër raste të referuar në Prokurorinë e Vlorës nga 22 persona të denoncuar nga familjarët dhe të afërmit si të zhdukur që prej vitit 2016, z. Lleshaj foli për “legjendë” të krijuar nga opozita.

Po kush e thotë se janë 22 të zhdukur? Në qoftë se flisni për katër të referuar, atëherë janë katër të zhdukur. Ka më shumë një legjende të krijuar dhe mbështetur nga ata që nuk e di pse e mbështesin si ide, por kjo nuk na rezulton reale”, theksoi z. Lleshaj.

Lidhur me denoncimet për listat zgjedhore, Lleshajt tha se kanë qëllim vetëm dezinformimi në radhët e qytetarëve pasi sipas tij nuk ka pasur asnjë rast konkret.

Liberale Newsroom

Poll
SHQIPENGLISH