Presidenti i Serbisë, Aleksandër Vuçiç mbajti fjalën e tij këtë të enjte në sesionin e 78-të të Asamblesë së Përgjithshme të Kombeve të Bashkuara.
Vuçiç u shpreh se mosrespektimi i Kartës së Kombeve të Bashkuara është rrënja e të gjitha problemeve me të cilat po përballet bota.
Sipas tij, përpjekja për copëtimin e Serbisë, nisi zyrtarisht në vitin 2008 me shpalljen e pavarësisë së Kosovës.
“Përpjekja për copëtimin e vendit tim, e nisur zyrtarisht në vitin 2008 me shpalljen e njëanshme të pavarësisë së Kosovës, është ende në vazhdim. Shkelja e Kartës së OKB-së në rastin e Serbisë ishte një nga pararendësit e dukshëm të problemeve të shumta me të cilat ballafaqohemi të gjithë sot, të cilat shkojnë shumë përtej kufijve të vendit tim apo të rajonit nga unë vij”, theksoi ai.
