Policia e Durrësit arrestoi një 28-vjeçar, i cili vidhte me dhunë bizneset, duke përdorur një pistoletë lodër.
I arrestuari është shtetasi me inicialet Sh. Z., banues në Tiranë, i dënuar edhe më parë për vjedhje.
Ky shtetas ka vjedhur dy biznese në datat 17- 18 korrik. Më datë 17 korrik, në një dyqan, i ka vjedhur me dhunë shitëses, duke e kërcënuar me pistoletë lodër, shumën 45.000 lekë;
më datë 18 korrik, në një supermarket, i ka vjedhur me dhunë shitëses, duke e kërcënuar me pistoletë lodër, shumën 56.000 lekë.
