Detaje të reja janë zbuluar nga megaoperacioni i SPAK në disa qytete të vendit, në Tiranë, Elbasan, Korçë, Durrës dhe në Fier.
Sipas informacioneve të para, janë lëshuar 32 masa arresti, 12 prej të cilëve janë ekzekutuar deri tani.
Në krye të aksionit të SPAK për t’u arrestuar është i shumëkërkuari Talo Çelo, i cili u lokalizua me anë të përgjimeve në një nga vendqendrimet e tij, por nuk është arritur që të arrestohet ende.
Si pjesë e 32-urdhër arresteve të SPAK, mësohet se në kërkim janë edhe Ervis Martinaj, Suel Çela, Kamer Mehja, Fatos Gogo.
Sipas Report Tv, janë 6 muaj hetime intensive nga SPAK, për të goditur 4 grupe kriminale, dhe mbi të kërkuarit rëndojnë akuza shumë të rënda për vrasje, drogë, rrëmbim personi e shantazh, ndërsa arrestimet janë dhënë më urdhër të GJKKO-së. Aksioni i SPAK po zhvillohet në bashkëpunim mes FNSH dhe Renea-s.
Mes të arrestuarve ka edhe zyrtarë të lartë të shtetit, si dhe efektivë të policisë të cilët dyshohet se dekonspironin operacionin.
