Në vitet e fundit, po vihet re një rritje shqetësuese e rasteve me ankth dhe depresion tek fëmijët dhe adoleshentët.
Terapistja e zhvillimit, Irena Danjolli, thotë se pavarësisht përpjekjeve, shkaqet kryesore të kësaj rritjeje ende nuk janë identifikuar plotësisht.
“Shkaktar kryesor për një pjesë të çrregullimeve ende nuk janë gjendur siç është autizmi i cili ka një shkaktar “dhe mund të jetë”, por ka dhe raste të adoleshentëve të cilët janë me çrregullim ankthi”, u shpreh terapistja Irena Danjolli.
Danjolli përmend disa faktorë të mundshëm që ndikojnë në përkeqësimin e shëndetit mendor tek të rinjtë, si ndryshimet në mënyrën e jetesës.
“Mënyra e jetës dhe e rrethit social ka shumë rëndësi”, u shpreh Danjolli.
Ekspertët theksojnë rëndësinë e ndërhyrjeve të hershme dhe rritjes së ndërgjegjësimit për të ndihmuar fëmijët dhe adoleshentët të përballen më mirë me sfidat emocionale.
