Really Albania do të nisë ditën e shtunë rrugëtimin e 21 në orën 17:30, me mjetet që do të rreshtohen para " Velipoja Grand Europa Resort" në Shkodër. Pjesëmarrësit në garë janë nga e gjithë bota ku përfshihen rreth 300 motomjete edhe 200 automjete.
Pilotët do të përshkruajnë kilometra të tëra në terrene të vështira, ata do të përballen me sfida të jashtëzakonshme në rrugët e panjohura të Shqipërisë.
Edicioni 21 "Really Albania 2025" do të përshkojë 1800 km për 7 ditë, teksa do të ketë ndalesa në vende tërheqëse si Shkodra, Korça edhe Vlora. Pilotët pritet të dhurojnë spektakël nëpër rrugët e Shqipërisë, ndërsa gara do të marrë fund në datën 14 në Kryeqytet. Përgatiti: Aries Cani
