Banorë të shumtë të fshatit Pajovë janë ngritur sot në protestë, për të kërkuar masa nga autoritetet për shkak të aksidenteve të shumta rrugore. Madje ata kanë bllokuar edhe qarkullimin e automjeteve.
Protestuesit me foton e 8-vjeçarit që humbi jetën pak ditë më parë në një aksident rrugor, kanë kërkuar reagimin e autoriteteve.
Banorët mbanin në duar parulla “Mbroni jetën e fëmijëve”, “Kufizues bordure në rrugë”, “Na siguroni jetën”, “Të merren masa për kufizimin e shpejtësisë”, etj.
