Koncertet e verës në qytetet e ndryshme të Shqipërisë, tashmë janë kthyer në një traditë të përvitshme.

Mbrëmjen e djeshme qindra vetë u mblodhën në sheshin në qendër të Librazhdit, ku kënduan së bashku me këngëtarët e njohur të muzikës shqiptare dhe kërcyen valle të ndryshme popullore deri në mesnatë.

Mes tyre ishin shumë emigrantë të cilët kanë ardhur për të kaluar pushimet e gushtit pranë familjeve të tyre, si edhe mjaft turistë të cilët u bënë pjesë e festës së organizuar nga Bashkia e Librazhdit.

Në këtë event morën pjesë këngëtarë të mirënjohur si: Eneda Tarifa, Eglantina Toska, Maya Aliçka, Hatixhe Lushi, Gentjana Gjoshi, Rezarta Lushi, Krenare Lushi dhe Hysni Hoxha të cilët krijuan një atmosferë të jashtëzakonshme në qytet.

Aktiviteti kulturor, artistik, “Festa e Shtegtarëve”, dhuroi momente të bukura dhe argëtim pafund për qytetarët e Librazhdit dhe jo vetëm, të cilët shijuan deri vonë tingujt e muzikës popullore dhe asaj të lehtë.