Kronikë

Atentati/ Gjeloshi lëvizte me makinë të blinduar, monitorohej me dron. Gjendet dy makinat e vrasësve

Shkruar nga Liberale

Atentati/ Gjeloshi lëvizte me makinë të blinduar, monitorohej me

Janë zbardhur detaje të reja nga atentati me armë zjarri i regjistruar mëngjesin e së shtunës të 10 shkurtit në firmën e inerteve në fshatin Gures të Kurbinit, ku u vra ekonomisti i firmës Selman Mihana dhe u plagos pronari i firmës 51-vjeçari Ardjan Gjeloshi, i cili dyshohet se ka qenë dhe shënjestra e autorëve.

Burime bëjnë me dije se në dëshminë e dhënë për grupin hetimor, Gjeloshi ka treguar dinamikën e ngjarjes, por ka ka mohuar të ketë konflikte, duke mos e orientuar grupin hetimor drejt një piste hetimi.

Dyshohet se autorët kanë qenë 4 persona, vrasës me pagesë, të cilët nuk e njihnin shënjestrën dhe kanë qenë të veshur me uniforma policie. Autorët kanë lëvizur me dy automjetet një mjet tip “Range Rover”, ku i kishin vënë fenelinë policie dhe një mjet tip “Golf 4”.

Atentati/ Gjeloshi lëvizte me makinë të blinduar, monitorohej me

Ata kanë parkuar makinat rreth 50 metra larg firmës dhe kanë hyrë brenda ambienteve nga një pjesë e cila nuk ka qenë e rrethuar me avlli. Autorët kanë pritur derisa kanë mbërritur biznesmeni dhe ekonomisti dhe kanë qëlluar me breshëri plumbash ndaj të dy personave.

Mësohet se tre persona kanë marrë pjesë në krim, duke qëlluar me automatik, ndërkohë që njëri ka qëndruar në makinë. Në vendin e ngjarjes u gjetën 50 gëzhoja automatiku. Ardjan Gjeloshi ka arritur t’u mbijetojë plumbave, pasi është fshehur dhe ka ikur me makinën e tij të blinduar drejt spitalit. Gjithsej dyshohet se kanë qenë 7 persona të përfshirë në krim

51-vjeçari udhëtonte me automjet të blinduar, ndaj autorët e kanë patur të pamundur që t’i bëjnë atentat rrugës, ndaj kanë shkuar në biznesin e tij për ta vrarë. Burime bëjnë me dije se autorët e kanë monitoruar prej disa ditësh me dron, si dhe janë gjetur dhe disa kamera spiune të instaluara pranë firmës.

Një tjetër detaj interesant është se rreth një javë më parë, një person kishte shkuar tek firma dhe ishte interesuar për numrin e punonjësve që ndodhen aty.

Burime bëjnë me dije se Policia ka gjetur të djegura poshtë urës së Milotit dy automjetet e përdorura nga autorët, të cilat kanë rezultuar të vjedhura dhe me targa të vjedhura.

Një prej pistave të atentatit ku po heton Policia dyshohet se ka të bëjë me disa përplasje të forta në zonën e Rrëshenit, kohët e fundit, ku biznesmeni dyshohet se ka lidhje indirekte. Një tjetër pistë është përqendruar dhe tek hasmëria, e cila lidhet me një ngjarje të ndodhur në vitin 2002 ku mbetu e vrarë një grua dhe u plagos një efektiv policie dhe të dyshuar për krimin kanë qenë 51-vjeçari Gjeloshi së bashku me vëllanë e tij.

Përgjatë dy ditëve janë shoqëruar dhe marrë në pyetje një numër i konsiderueshëm, personash të cilët mund të kenë dijeni rreth ngjarjes, por dëshmitë e tyre nuk kanë qenë të vlefshme për grupin hetimor.

Liberale Newsroom

Poll
SHQIPENGLISH