Një 46-vjeçare shqiptare ka humbur jetën si pasojë e një aksidenti të rëndë të ndodhur në Itali një ditë më parë, 7 prill.
Sipas medieve italiane, makina e drejtuar nga Dorina Bardhi është përplasur me një kamion. Si pasojë Dorina, 46 vjeç humbi jetën, ndërsa vajza e saj 9-vjeçare, e cila ndodhej në makinë së bashku me të ëmën ndodhet në gjendje të rëndë.
Aksidenti i rëndë ka ndodhur rreth orës 14:00 të ditës së djeshme.
Makina në të cilën udhëtonin nëna dhe vajza, një Opel Meriva, u përplas kokë më kokë me një kamion. Dinamika e tragjedisë po hetohet ende nga Policia.
Dorina la pas burrin dhe tre vajzat e saj.
“Një grua e mrekullueshme”, tha një e njohur, “e përkushtuar ndaj familjes së saj dhe gjithashtu ndaj komunitetit, për të cilin ajo bëri shumë”.
Dorina ishte e njohur, bashkëpunonte me shoqata, me famulli e oratori dhe ishte gjithmonë në ballë, e qeshur dhe entuziaste në organizimin e ahengjeve e eventeve, kushtuar mbi të gjitha fëmijëve./vizionplus.tv
