Një aksident ka ndodhur ditën e sotme në Kamenicë të Korçës ku tre automjete janë përplasur me njëra-tjetrën. Nga raportimet thuhet se një grua ka mbetur e plagosur si pasojë e përplasjes.
Gruaja e aksidentuar është nisur drejt spitalit për të marrë ndihmën mjekësore.
Si pasojë e aksidentit rruga është bllokuar nga autoritetet dhe lëvizja e mjeteve bëhet vetëm nga njëra korsi.
Ndërkohë policia ndodhet në vendngjarje për të zbardhur rrethanat e aksidentit të trefishtë.
