Një automjet është përfshirë nga flakët pasditen e sotme në bypass-in e Vlorës.
Ngjarja ka ndodhur teksa makina ishte në lëvizje. Pjesa e përparme e mjetit është djegur, ndërsa shoferi ka arritur të dalë në kohë pa u lënduar.
Në vendngjarje kanë mbërritur shpejt forcat zjarrfikëse, të cilat kanë bërë të mundur fikjen e zjarrit dhe shmangien e përhapjes së tij.
Shkaku i flakëve nuk dihet ende, ndërsa pritet një njoftim zyrtar nga autoritetet për më shumë detaje. Fatmirësisht nuk raportohet për të lënduar.
