Aktualitet

EMRI/ Protesta e djeshme para Bashkisë Tiranë, 1 i arrestuar, e pësojnë edhe gjashtë të tjerë

Shkruar nga Liberale

EMRI/ Protesta e djeshme para Bashkisë Tiranë, 1 i arrestuar, e

Një person është arrestuar dhe 6 të tjerë janë në hetim në gjendje të lirë, pas dhunës së ushtruar dje para Bashkisë së Tiranës, gjatë protestës së thirrur nga opozita.

Drejtoria Vendore e Policisë Tiranë, në lidhje me aktet e dhunshme të ushtruara gjatë protestës së zhvilluar ditën e djeshme, përpara Bashkisë Tiranë, nga Aleanca për Mbrojtjen e Teatrit, në vijim të veprimeve hetimore e procedurale dhe nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, arrestoi në flagrancë shtetasin:

Bledar Krasniqi 39 vjeç, banues në Tiranë, për veprat penale "Prishja e qetësisë publike", "Goditjet për shkak të detyrës", "Shkatërrimi i pronës me zjarr", "Shkelja e rregullave mbi lëndët plasëse dhe djegëse", dhe "Kundërshtimi i punonjësit të policisë së rendit publik".

Gjithashtu, procedoi në gjendje të lirë shtetasit E. P., 24 vjeç, D. P., 62 vjeç, R. D., 20 vjeç, I. T., 49 vjeç, K. K., 43 vjeç, dhe P. O., 66 vjeç, për veprat penale "Prishja e qetësisë publike", "Shkatërrimi i pronës", dhe "Mosbindja ndaj urdhrit të punonjësit të policisë së rendit publik" njoftoi policia e Tiranes.

Liberale Newsroom

Poll
SHQIPENGLISH