Një incident ka ndodhur mbrëmjen e sotme tek Pallati me Shigjeta në Tiranë, në afërsi të një karburanti.
Sipas informacioneve paraprake, ka tentuar të dëmtojë veten dyshohet me lëndë djegëse shtetasi I. Q., rreth 60 vjeç.
Shërbimet e Policisë kanë ndërhyrë në menyrë të menjëhershme duke neutralizuar përhapjen e zjarrit në trup.
Shtetasi I. Q u transportua me ambulancë për ndihmë mjekësore, pasi ka pësuar djegie në fytyrë. Grupi hetimor po punon për sqarimin e rrethanave të rastit.
