Aktualitet

Në vetëm 6 muaj, ja sa qytetarë hoqën dorë nga shtetësia e Kosovës

Shkruar nga Liberale
Në vetëm 6 muaj, ja sa qytetarë hoqën dorë nga

Ministria e Punëve të Brendshme ka deklaruar se në periudhën janar-mars të këtij viti kanë hequr dorë nga shtetësia e Kosovës 1 mijë. Por, ky numër tashmë është rritur duke shkuar në 1 mijë e 500.

Shumë qytetarë janë duke vazhduar lënien e shtetësisë së Kosovës ndër vite. Vetëm në gjashtëmujorin e parë të këtij viti mbi 1 mijë e 500 qytetarë janë liruar nga shtetësia e Kosovës.

Në baze të të dhënave të Ministrish së Punëve të Brendshme, nga 1 janari nga shtetësia e Kosovës kanë hequr dorë 1.672 persona.

Njësoj gjendja ishte edhe vitin e kaluar. Afër 5 mijë ishte numri i qytetarëve që u liruan nga shtetësia kosovare përgjatë 2022-ës.

“Gjatë periudhës 01.01.2023-19.06.2023 nga Shtetësia e Republikës së Kosovës janë liruar gjithsej 1,672 persona. Në vitin 2022 nga Shtetësia e Republikës së Kosovës janë liruar gjithsej 4,792 persona”.

E më i vogël ishte numri i qytetarëve që e fituan shtetësinë e Kosovës këtë vit dhe vitin e kaluar.

“Gjatë periudhës 01.01.2023-19.06.2023, Shtetësinë e Republikës së Kosovës e kanë fituar gjithsej 291 persona. Në vitin 2022 Shtetësinë e Republikës së Kosovës e kanë fituar gjithsej 587 persona”.

Rëndomë kërkesat për lënien e shtetësisë vijnë nga personat që jetojnë në vende të tjera. Kjo pasi disa shtete nuk e lejojnë dyshtetësinë.

Theksojmë se Republika e Kosovës qytetarëve të saj u lejon të mbajnë dy e më tepër shtetësi, ndërkaq që ajo e Shqipërisë këtë numër e ka kufizuar në dy.

Aleanca Kosovare e Biznesit ka vlerësuar se vetëm vitin e parë nga liberalizimi i vizave, Kosova rrezikon të mbetet me 150 mijë qytetarë më pak.

“Sipas parashikimeve që kemi bërë një vit më herët, ku paralajmërimet kanë qenë që nga viti 2010, 2011, 2016 që do të bëhet liberalizimi, kemi bërë një hulumtim dhe sipas atij, ne vetëm vitin e parë mund të mbetemi me 150 mijë qytetarë më pak. Një vlerë e madhe e cila pritet të lëvizë drejt Evropës, për të gjetur mundësi për t’u punësuar”.

Trendi i emigrimit, sipas shifrave zyrtare të institucioneve të Kosovës, është në rritje. Vetëm vitin e kaluar, nga Kosova janë larguar mbi 42 mijë banorë.

Arsyet kryesore të emigrimit të rregullt sipas ASK-së janë bashkimi familjar, martesa, gjetja e një vendi pune apo edhe studime. Në vitin 2020, nga Kosova emigruan mbi 8,000 veta; më 2019 mbi 34.000; dhe më 2018 mbi 28.000./Monitor

Liberale Newsroom

Poll
SHQIPENGLISH