Aktualitet

Meta: Krenar për kombin tonë që mbrojti dhe mirëpriti mijëra hebrenj

Shkruar nga Liberale
Meta: Krenar për kombin tonë që mbrojti dhe mirëpriti

Në Ditën Ndërkombëtare të Kujtesës, presidenti Ilir Meta ka marrë pjesë në ceremoninë për përkujtimin e viktimave të Holokaustit.

Në një postim në "Facebook", Meta shkruan se gjenocide të tilla ndaj kujtdo populli apo etnie nuk duhet të ndodhin kurrë më. Më tej presidenti shprehet se është krenar për kombin shqiptar që mirëpriti dhe mbrojti mijëra hebrenj.

"Në Ditën Ndërkombëtare të Kujtesës, përkujtojmë me nderim miliona viktima të pafajshme të mizorisë së pashpirt të Holokaustit, në mënyrë që antisemitizmi, mungesa e tolerancës, bashkëjetesës, dhe shkeljet e lirive e të drejtave të njeriut, të mos përsëriten KURRË MË.

Dy dekada më parë në zemër të Europës, fatkeqësisht ishim dëshmitarë të masakrave e spastrimit etnik dhe fetar në Bosnje e Hercegovinë, dhe Kosovë.

Gjenocide dhe akte të tilla çnjerëzore ndaj kujtdo që i përket një feje, etnie apo kombësie ndryshe, nuk duhet të ndodhin dhe nuk duhen lejuar të ndodhin KURRË MË në botën ku jetojmë!

Krenar për kombin tonë, që në periudhën më të errët të njerëzimit, mbrojti dhe mirëpriti mijëra hebrenj të larguar nga vendet e tjera, duke mos dorëzuar asnjë te pushtuesit.

#WeRemember #NeverAgain", shkruan Presidenti./Gazeta Liberale

[gallery columns="1" size="full" gss="1" ids="1120413,1120411,1120412"]

Liberale Newsroom

Poll
SHQIPENGLISH