Një tjetër tragjedi ka goditur botën e skive, pas asaj të Matilde Lorenzi. Ka ndërruar jetë gjatë një stërvitjeje ne Val d”lsere ylli i ri francez i skive, Margot Simond.
18-vjeçarja po përgatitej të merrte pjesë ne eventin “Red Bull Alpine Park”.
Sipas medieve të huaja e reja ra gjatë aktivitetit dhe ndërhyrja e shpejtë e ndihmës nuk arriti t’a shpëtojë, përplasja ishte fatale. Prokuroria e Alberville ka hapur një hetim për aksidentin.
Margot Simond, e lindur në Aillons Margeriaz, në rajonin e Savojës dhe pjesë e klubit të skive “Ski Club Les Saisies”, ishte një nga talentet më të mëdha të skive franceze.
Kampione kombëtare në kategorinë nën 18 vjeç, këtë vit kishte debutuar në Kupën e Europës dhe kishte marrë pjesë në Kampionatin Botëror për të rinj në Tarvisio.
