Sport

Studimi i “Deloitte”, ja 20 klubet me të ardhurat më të larta për sezonin 2022-2023

Shkruar nga Liberale

Studimi i “Deloitte”, ja 20 klubet me të ardhurat më

Studimi i Deloitte ka përpiluar klasifikimin e Football Money League, renditjen e klubeve me të ardhurat më të larta në nivel global për sezonin 2022-2023.

Reali i Madridit komandon klasifikimin për herë të parë nga 2018 me të ardhura rekord prej 831 milionë eurosh, dhe një rritje prej 118 milionësh në krahasim me vitin paraardhës.

Manchester City ndjek në vendin e dytë me 825 milionë të arkëtuara, ndërsa PSG kompleton podin në vendin e tretë me 801 milionë duke lënë pas vetëm për pak Barcelonën që ka arkëtuar 800 milionë euro me katalanasit që kanë ngjitur plot 3 pozicione, ndërsa pariezienët 2.

Mes 10 skuadrave më të pasura në botë mbeten më pas Manchester United me 745 milionë arkëtime, Bayern i Mynich-ut me 744, Liverpool me 682, Tottenham me 631 milionë, Chelsea me 589 milionë dhe Arsenali me 532.

Borussia e Dortmundit është në vendin e 12 me 420 milionë, Atletico e Madridit e 15 me 364 dhe mes debutuesve në klasifikim në pozicionin më të mirë është Eintracht Frankfurt me 293 milionë në vendin e 16

Kompletojnë kuadron Newcastle dhe West Ham respektivisht në vendin e 17 dhe të 18. Kanë dalë nga 20-shja Leicester, Leeds United dhe Everton, konfirmimi se paraqitjet sportive janë vendimtare dhe në aspektin financiar. Klubet e Premier League kanë mbetur 8 ndërkohë që në dy vitet e fundit kanë qenë gjithmonë në numër dyshifror.

Liberale Newsroom

Poll
SHQIPENGLISH