Meteorologët që parashikuan shiun e pazakontë të korrikut kishin dhënë alarmin e tyre për ceremoninë e hapur por autoritetet duket që nuk ua vunë veshët

Plani francez për të mbajtur eventin në ambjent të hapur u kritikua dhe dështoi sipas mediave britanike, teksa politikanët, artistët dhe të ftuar të tjerë duhet të mbroheshin nga shiu i rrëmbyer.

Parada e organizuar në detaje nisi në 7.30 pasdite me 6000 atletët që marshuan nën urën Pont d’Austerlitz Bridge me mushama plastike në rreth 85 barkat ceremoniale.

Ndërsa në sheshin Trocadéro ku mijëra spektatorë ishin mbledhur për të parë ceremoninë në ekran dëshmuan vetëm fikjen e ekraneve si rezultat i motit të ujshëm.

Ceremonia nisi me një film të shkurtër me legjendën e futbollit Zinedine Zidan ndërsa më pas u fokusua në fëmijë të vegjël që luanin në brigjet e lumit, shkruan Daily Mail.

Në shumë aspekte ceremonia u fokusua në historinë e qytetit. Flaka olimpike kaloi para dyqanit të stilistit të famshëm Louis Vuitton, para se një performancë kërcimi i referohej rindërtimit të katedrales së Notre Dame pas zjarrit të vitit 2019.

Organizatorët shpresonin që Lojrat të shkonin mirë pas sulmit kibernetik ndaj sistemit hekurudhor francez më herët.

Parada u mbyl para Trocadero dhe kullës Eiffel ku u kaloi pishtari olimpik dhe u zhvillua shfaqja finale. Zhvillimet e sotme vijnë pas 200 ditë provash të numrave të ceremonisë që përsëri nuk evituan dot dramën  e Olimpiadës.