Këngëtarja Jessie J ka kryer ndërhyrjen kirurgjikale për kancerin në gji dhe tashmë po qëndron në shtëpinë e saj, në pritje të rezultateve.
37-vjeçarja ka ndarë në rrjetet sociale disa momente nga spitali, ku shihet pranë mjekëve, bashkëshortit dhe djalit.
“Disa nga uljet dhe ngritjet e vërteta të 48 orëve të fundit. Gjithnjë do të tregoj pjesët e bukura dhe të vështira të çdo rrugëtimi që kaloj. Jam mirënjohëse për mjekun/kirurgun tim dhe infermieret që u kujdesën për mua dhe gjithë familjen/miqtë që erdhën të më shihnin. Tani jam në shtëpi për të pushuar dhe pres rezultatet”, shkruan ajo duke i dërguar përqafime “kujtdo që po kalon diçka të vështirë.”