Reperi i njohur shqiptar, Stresi, ka rikthyer zërin e tij kritik ndaj muzikës shqiptare. Në një postim në Instastory, ai tha me ironi se këtë vit ka shumë “copy paste” në muzikë, duke nënkuptuar se shumë artistë po kopjojnë njëri-tjetrin dhe nuk po sjellin ide të reja.
Stresi shpreh shqetësimin se mungesa e krijimtarisë dhe origjinalitetit po bëhet problem në skenën muzikore shqiptare. Ai nuk përmend emra konkretë, por fjalët e tij janë të qarta dhe lënë hapësirë për interpretim.
Ky është një stil që reperi e ka prej kohësh, duke qenë shpesh zëri kritik dhe provokues i industrisë muzikore. Postimi i tij ka nisur diskutime mes fansave dhe ndjekësve, ndërsa mbetet për t’u parë nëse edhe artistët do të përgjigjen ndaj kësaj kritike.
