Gjykata e Tiranës vendosi përfundimisht të zgjidhë martesën mes Leka Zogut dhe Elia Zaharias, duke zyrtarizuar më 25 prill 2024 divorcin shumë të përfolur mes tyre.
Sipas burimeve në vendimin e zbardhur të gjykatës thuhet ndër të tjera se tre arsyet që kanë çuar këtë martesë në divorc janë; së pari, konfliktet e vazhdueshme, mungesa e komunikimit dhe ndërprerja e bashkëjetesës. Arsye të cilat janë pranuar si nga Elia ashtu edhe nga Leka.
Gjithashtu në këtë vendim është përcaktuar se Elia nuk do ta mbajë më mbiemrin Zogu, por do të rikthejë atë të vajzërisë, Zaharia.
