Gazetari Arbër Zeka, miku i Meritonit, në një lidhje direkte sot për ‘Shqipëria Live” ne Top Channel foli për rrëfimin tronditës të Meritonit dy netë me parë për djalin e tij, i cili tregoi si ishte me autizëm.
Zeka tha se Meritoni ka pasur vështirësi për të qenë pranë familjes dhe se lidhja me ish-partneren nuk ka qenë e shëndoshë. Sa për reagimin e ish-bashkëshortes së Meritonit, ai tha se nuk është momenti për hakmarrje.
“Unë e kam pasur rastin ta takoj djalin e Meritonit. Nuk dua të futem në raportin mes çiftit, por Meritoni ka pasur vështirësi gjatë gjithë kohës. E ka pasur të pamundur me qenë pranë fëmijës. Mua ma ka thënë vonë, gjatë udhëtimit në Amerikë në muajin maj vitin e shkuar. Në avion ma ka thënë këtë, ofertat me u fut në Big Brother i ka pasur që te Big i parë dhe e ka pasur në plan këtë kauzë. Nëse më lejohet shkurt dhe qartë. Lidhja nuk ka qenë e shëndoshë, nuk do shumë koment. Duhet me pas maturinë, lidhja nuk ka qenë e shëndoshe se të ishte ndryshe..hakmarrja nuk është gjëja më e mirë në këtë pikë”-tha miku i Meritonit.
