Aktualitet

"Lobimi kundër qeverisë", Ilir Kulla: Shpifje dhe asgjë më tepër!

Shkruar nga Liberale
"Lobimi kundër qeverisë", Ilir Kulla: Shpifje dhe asgjë

Ilir Kulla ka reaguar pas një shkrimi të publikuar dje në median italiane “Il fatto quotidiano” për çështjen e arrestimit të ish-senatorit italian Sergio De Gregorio.

Në shkrim thuhet se De Gregorio, pronar i faqes online “Pianeta Italia News”, që publikoi 3 vite më parë lajmin për skandalin e mbetjeve toksike të zhdukura në Shqipëri ishte porositur nga politikanët shqiptarë për të bërë fushatë kundër qeverisë shqiptare.

Kulla e ka cilësuar shpifje përmendjen e emrit të tij si personi që ka lobuar kundër qeverisë shqiptare.

“Të dashur miq kisha vendosur të mos përdorja me facebook por një fakenews e servirur në media sot në lidhje me emrin tim më detyron t’i përgjigjem atyre që kanë merakun të heqin vëmendjen nga biznesi me i madh i mafies në Shqipëri droga dhe mesa duket fatkeqësisht nga dështimi i marrëveshjes së Reformës Zgjedhore. Nuk është sekret që unë njoh dhe kam shumë miq në Itali. Kryesisht ata janë njerëz të medias. Politikës dhe Biznesit. Edhe në shkrimin në fjalë bëhet fjalë se unë paskam njohje me ish-Kryetarin e Komisionit të Mbrojtjes të Senatit italian Sergio De Gregorio. Sigurisht kam njohur këtë senator dhe shumë të tjerë deputetë, ministra madje dhe Kryeministra dhe Presidente. Pavarësisht qasjes qesharake të një shkrimi të porositur se unë paskam lobuar kundër qeverisë tonë në Itali e atij që i paskam lobuar dhe më paska paguar për “detyrën” që i paskam dhënë. Më duhet të them se kjo është vetëm një SHPIFJE dhe asgjë më tepër. Çdo kritikë, oponencë dhe opozitë që kam bërë me këtë qeveri dhe qeveritë e mëparshme i kam pasur publike dhe do t’i kem publike. I vetmi koment që kam është SHPIFJE, sa për plehrat ato nuk janë vetëm mbetje organike dhe urbane por mbi të gjitha mbetje njerëzore”, shkruan Kulla. /Gazeta Liberale

Liberale Newsroom

Poll
SHQIPENGLISH