Gjykata e Vlorës ka vendosur masën “arrest me burg” për Shefin e Policimit në Komunitet në Drejtorinë Vendore të Policisë Elbasan, Arjan Tase.
Seanca u drejtua nga gjyqtarja, Viola Canaj, ndërsa prokurore e çështjes ishte Eranda Visoci dhe avokat mbrojtës, Aleks Prifti.
Mësohet se, Arjan Tase akuzohet për “vrasje me dashje indirekte”. Ai i ka kërkuar falje familjes Avdia dhe ka deklaruar se, nuk do ta ankimojë vendimin e gjykatës.
Kujtojmë se, Arjan Tase ishte duke drejtuar skafin, me të cilin “i mori jetën” 7 vjeçares, Jonada Avdia në plazhin e Potamit në Himarë.
