Kriza energjetike që ka shkaktuar konflikti mes Rusisë dhe Ukrainës nuk ka kursyer as futbollin madje as klubin e Bajern.
“Allianz Arena” dhe stadiume të tjera gjermane mund të mbyllen në dimër si pasojë e kësaj krize.
Nëse aktivizohet plani i urgjencës së gazit, stadiumet e Bundesligës rrezikojnë gjithashtu të mbyllen në dimër, shkruan “Sportbild”.
Plot gjysma e tyre, 9 nga 18 impiantet e skuadrave kanë ngrohës fushe me gaz, që mund të nënkuptojë se ndeshjet në vitin 2023 mund të anulohen për shkak të borës dhe akullit.
Zëvendësi i bordit të Bajernit, Jan-Kristian Drezen, pranoi marrjen e masave. Ndriçimi i stadiumit planifikohet që të mbahet ndezur vetëm për 3 orë pas rënies së natës, por edhe kondicionerët do të fiken.