Një operacion ndërkombëtar i koduar "Shield" ka goditur 59 grupe kriminale, të cilët trafikonin barna të falsifikuara dhe të substanca të rrezikshme për shëndetin.
Operacioni u zhvillua nga muaji prill deri në muajin tetor të vitit 2022, u drejtua nga Franca, Greqia, Italia dhe Spanja dhe përfshiu policinë dhe autoritetet doganore të 28 vendeve. Pjesë e tij ishte edhe policia shqiptare, e cila ka zhvilluar 6 operacione dhe megaoperacione.
[caption id="attachment_1311299" align="alignnone" width="2048"]
Foto e marrë nga faqja zyrtare e Policisë së Shtetit në Facebook[/caption]
Gjatë këtyre operacioneve janë vënë në pranga 14 shtetas, janë proceduar penalisht 6 shtetas, si dhe janë sekuestruar medikamente të ndryshme mjekësore, me vlerë mbi 100 000 euro.
Gjatë operacionit ndërkombëtar “Shield”, u goditën 59 grupe kriminale dhe u ndaluan 349 persona të dyshuar. Gjithashtu, u sekuestruan sasi të mëdha të barnave të falsifikuara, substanca dopingu, suplemente të paligjshme ushqimore dhe sportive, vaksina të falsifikuara kundër COVID-it, produkte sanitare dhe pajisje mjekësore.
