Aktualitet

GJKKO rrëzon kërkesën e Llallës për pezullimin e dënimit

               Publikuar në : 16:30 - 14/10/21 liberale

Gjykata e Posaçme kundër Krimit dhe Korrupsionit (GJKKO) ka rrëzuar kërkesën për pezullimin dhe shtyrjen e ekzekutimit të vendimit për dënimin e ish-kryeprokurorit Adriatik Llalla me dy vite burg.

Avokati Sokol Hazizaj kishte bërë kërkesë për shtyrjen e vendimit pak ditë më parë me argumentin se klienti i tij është në gjendje të rënduar shëndetësore dhe kërkohej kohë për t’u rikuperuar.

Gjykata e Posaçme e Apelit, rreth një muaj më parë, la në fuqi dënimin me 2 vjet burg për ish-kryeprokurorin Adriatik Llalla,

Llalla ishte shpallur fajtor për fshehje të të ardhurave në lidhje me shpenzimet për lindjen djalit të tij në SHBA, që sipas prokurorëve pati një kosto kjo prej 7 mijë dollarësh.

Ish-kryeprokurorit i janë sekuestruar edhe 4 sipërfaqe trualli në periferi të Tiranës si dhe një apartament në Durrës

Pas disa ditësh kërkime në Shqipëri, SPAK e shpalli Llallën në kërkim ndërkombëtar, pasi dyshohet se ndodhet jashtë vendit.

Tags: , ,


KOMENTO (0)

Shkruaj nje koment

Your email address will not be published. Required fields are marked *

* *

Back