Një aksident i rëndë ka ndodhur në Itali, ku si pasojë ka humbur jetën një i ri shqiptar. Ngjarja ka ndodhur në në Corso Regio Parco pranë varrezave monumentale të Torinos, në orët e para të mëngjesit të sotëm.
Sipas mediave italiane, 32 vjeçari, Olti Hysenaj ishte duke drejtuar automjetin tip “Ford Fiesta” në momentin kur është përballur me shtyllën e dritës që ndriçonte rrugën dhe më pas me një pemë.
Ende nuk dihet shkaku i aksidentit, ndërsa mediat italiane shkruajnë se, Hysenaj ndodhej i vetëm në automjet dhe gjatë përplasjes është hedhur nga makina. /Liberale.al
