Aktualitet

E denoncoi Rama dhe Braçe, ja kush është prokurori që në 4 vite fitoi miliona

Shkruar nga Liberale
E denoncoi Rama dhe Braçe, ja kush është prokurori që

Pas kryeministrir Rama edhe zv/kryeministri Erjon Braçe ka denoncuar prokurorin e Durrësit, teksa tha se mbështet një grup kriminal në qytetin bregdetar.

Braçe nuk tha se cili është prokurori, por prokurori i çështjes së Liridon Pulës, ish-kreut të Kadastrës së Durrësit është Arian Ndoja.

Ndoja më 28 janar 2008 është emëruar prokuror në Durrës, pasi ishte liruar nga detyra e prokurorit nga ish-kryeprokurori Theodhori Sollaku. Gjatë kohës që nuk ka qenë prokuror, Ndoja ka bërë avokatin, ku ka mbrojtur edhe Arian Selimin, akuzuar për trafik ndërkombëtar kokaine.

Sipas shqiptarja.com vitin që shkoi Ndoja u përfol si personi që qëndronte pas rrahjes së avokatit Ilia Ilia, çështje për të cilën u nis hetimi, por ndaj Arian Ndojës nuk u mor asnjë masë.

Sipas deklaratave të pasurisë të pasqyruara në Open Spendig Albania, rezulton se ai ka dhjetëfishuar pasurinë për katër vjet. Gjatë vitit 2004,  Ndoja deklaron një pasuri prej 20 mijë euro dhe 200 mijë lekë. Dhe pas katër viteve, pikërisht në vitin 2008 ai rezulton me një pasuri mbi 760 mijë euro.

Në vitin 2016, Arain Ndoja ka deklaruar se ka në pronësi, 21 apartamente që ndodhen në Shëngjin, 3 bodrume, pemëtore dhe një ndërtesë truall në Krujë, të cilin thotë se e ka fituar me vendim gjykate pasi pronari i kishte borxhe./Gazeta Liberale

Liberale Newsroom

Poll
SHQIPENGLISH