Aktualitet

“Çdo pyll ka derrat e vet”, Rama për djegien e flamurit shqiptar në Beograd: Për çfarë duhet të kërkohet falje?

Shkruar nga Liberale
“Çdo pyll ka derrat e vet”, Rama për djegien e flamurit

Kryeministri Edi Rama deklaroi sot në Beograd se situata mes shqiptarëve e serbëve është larg së qeni ideale, por se tensionet e larta kur ngrihen, sot bien shumë më shpejt se sa ndodhnin kohë më parë.

Ai madje i krahasoi serbët e shqiptarët me gjermanët dhe francezët dhe tha se dy vendet mund të bëjnë për rajonin atë që këta dy popuj bënë për Europën.

I pyetur nëse kërkoi falje presidenti serb për incidentin e djegies së flamurit shqiptar para samitit ai tha se çdo pyll ka derrat e vet.

“Për çfarë duhet të kërkohet falje në këtë rast kur një personazh ekstremist… kur çdo vend ka kokëboshët e vet, çdo pyll ka derrat e vet. Është ndaluar nga policia dhe është çuar para procesit. Flamujt shqiptarë janë kudo e patë. Dhe kjo është diçka që ishte e pamendueshme disa vite më parë dhe jam e bindur që të gjitha gjërat që ndodhin, janë gjëra që patjetër janë të paevitueshme sepse situata është larg së qeni ideale mes shqiptarëve e serbëve për shkak të mosnjohjes së Kosovës, por ama dhe tensionet e larta kur ngrihen, sot bien shumë më shpejt se sa ndodhnin kohë më parë. Nuk duhet të humbasim fokusin dhe të impresionohemi shumë nga gjëra të kësaj natyre.

Jemi dy kombet më të mëdha në këtë rajon dhe mund të bëjmë për rajonin atë që gjermanët dhe francezët bënë për Europën”, deklaroi Rama.

Liberale Newsroom

Poll
SHQIPENGLISH