Aktualitet

Bylykbashi: Reforma Zgjedhore duhet të përmbyllet brenda majit

Shkruar nga Liberale
Bylykbashi: Reforma Zgjedhore duhet të përmbyllet brenda majit

Përfaqësuesi i Partisë Demokratike në komisionin parlamentar për Reformën Zgjedhore, Oerd Bylykbashi i bëri thirrje mazhorancës që në mbledhjen e radhës të paraqesë qëndrimet konkrete, pasi sipas tij, brenda muajit maj duhet të përmbyllet Reforma Zgjedhore.

“Ajo që ngulëm këmbë është se para se të ecim më tutje duhet të jetë e qartë se cili është vullneti i mazhorancës mbi propozimet e opozitës lidhur me një çështje madhore. Brenda 31 majit Reforma Zgjedhore duhet të përmbyllet.

Deklaratat e Gjiknurit tregojnë mungesën e vullnetit politik të mazhorancës për të bërë një punë të bazuar në konsensus. Ne kërkojmë shprehjen e qartë nga mazhoranca, cili është vullneti i saj politik lidhur me cështjet e mëdha që shtron OSBE, për të cilat opozita ka bërë propozime konkrete.

Është mazhoranca që deri më sot nuk ka dhënë asnjë përgjigje në lidhje me cështjet e sthruara, por vetëm refuzime. Është mirë që mazhoranca pa humbur kohë në mbledhjen e radhës të vijë me qëndrime konkrete. Ne çështjet e mëdha që kemi shtruar do të çojnë te zgjidhjet finale, sa i përket kodit. Nuk mund të shtrohen çështje, pa adresuar çështjet themelore të kodit. Ne jemi të gatshëm të ecim përpara”, tha Bylykbashi për mediat. /Gazeta Liberale

Liberale Newsroom

Poll
SHQIPENGLISH